ArmenianPulse
ԱՄՆ նախագահ Ջո Բայդենը կոչ է արել Ուկրաինայում գտնվող ԱՄՆ բոլոր քաղաքացիներին անհապաղ լքել երկիրը՝ վկայակոչելով ռուսական կողմի հետ ռազմական գործողությունների սպառնալիքների աճը։
«Արմենպրես»-ի հաղորդմամբ՝ այս մասին հայտնում է BBC-ն:
Բայդենն ասել է, որ զորքեր չի ուղարկի ամերիկացիներին փրկելու համար, եթե ռազմական բախում սկսվի։
Նա զգուշացրել է, որ տարածաշրջանում ամեն ինչ կարող է արագ զարգանալ:
Մեծ Բրիտանիայի վարչապետ Բորիս Ջոնսոնն ավելի վաղ ասել էր, որ Եվրոպան բախվել է վերջին տասնամյակների ընթացքում ամենամեծ անվտանգության ճգնաժամին՝ Ուկրաինիայի և Ռուսաստանի միջև այդ լարվածության ֆոնին:
