Եվրասիական զարգացման բանկի տվյալներով՝ 2026 թվականի հունվարին Հայաստանում տնտեսական ակտիվությունը տարեկան կտրվածքով աճել է 7,2%-ով, այն դեպքում, երբ 2025 թվականի հունվար-դեկտեմբեր ամիսներին նույն ցուցանիշը կազմում է 9,1%։
«Աճի շարժիչ ուժերը ծառայությունների ոլորտն էր (+7,4% տարեկան աճ) և շինարարությունը (+18,7% տարեկան աճ): Արդյունաբերությունը լրացուցիչ ներդրում է ունեցել (+10,6% տարեկան աճ): Այս ֆոնին 2026 թվականին մենք 5,3% տնտեսական աճ ենք կանխատեսում։
2026 թվականի փետրվարին Հայաստանում գնաճը տարեկան աճով կազմել է 4,3%, նախորդ ամիս՝ 3,8%: Արագացումը պայմանավորված էր սննդամթերքի գների դինամիկայով (փետրվարին տարեկան աճով 6,4%, հունվարին տարեկան աճով 5,9%-ից հետո): «Ծառայությունների ոլորտում գնաճը դանդաղել է՝ հունվարի 2,9%-ից հասնելով 3,2%-ի, մինչդեռ ոչ պարենային ապրանքների գների աճը մնացել է 0,9% տարեկան աճի մակարդակում: Մենք այս տարվա վերջին կանխատեսում ենք սպառողական գների 3,3% տարեկան աճ»,- նշել են ԵԱԶԲ-ում: