Ռուսաստանի նախագահ Վլադիմիր Պուտինը իր ամերիկացի գործընկերոջ՝ Դոնալդ Թրամփի հետ քննարկել է Մերձավոր Արևելքում ստեղծված իրավիճակը և Ուկրաինայում խաղաղության գործընթացը, հայտնել է ՌԴ նախագահի օգնական Յուրի Ուշակովը, հաղորդում է РИА Новости-ն։
«Շեշտը դրվել է Իրանի հետ հակամարտության շուրջ ստեղծված իրավիճակի և ԱՄՆ ներկայացուցիչների մասնակցությամբ ուկրաինական խաղաղության շուրջ ընթացող երկկողմ բանակցությունների վրա»,- լրագրողներին ասել է Ուշակովը։
Պուտինը մի շարք նկատառումներ է հայտնել՝ ուղղված Մերձավոր Արևելքում ստեղծված իրավիճակի արագ քաղաքական և դիվանագիտական կարգավորմանը։ Իր հերթին, Թրամփը գնահատական է տվել Իսրայելի հետ համատեղ գործողությանը։
Ըստ Ուշակովի՝ զրույցը տեղի է ունեցել ԱՄՆ նախագահի նախաձեռնությամբ և տևել է մոտ մեկ ժամ։
«Նախագահները նաև անդրադարձել են Վենեսուելայի հարցին՝ հիմնականում նավթի համաշխարհային շուկայում ստեղծված իրավիճակի տեսանկյունից»,- լրագրողներին ասել է ՌԴ նախագահի օգնականը։