Գիշերը Մոսկվայի Ռյազանսկի շրջանի թիվ 1367 դպրոցի բակում զանգվածային ծեծկռտուք է տեղի ունեցել միգրանտների միջև, հայտնում է «Рыбарь» Telegram-ալիքը։
«Ուժայինները արագ կանխել են միջադեպը։ Բախման պատճառները դեռևս անհայտ են, սակայն «21/19 թաղամասեր» բնակելի համալիրի տեղի բնակիչները մտավախություն ունեն, որ նման իրավիճակները կկրկնվեն», — գրում է ռեսուրսը։
Ըստ «Рыбарь»-ի, բնակելի համալիրը արտաքին միջավայրից մեկուսացված է երկաթուղային գծերով և արդյունաբերական գոտիով, ինչը ձևավորում է մի տեսակ «միգրանտների անկլավ»։
Նրանց մեծ մասն ապրում է մոտակա հոսթելներում և աշխատում շինհրապարակներում։ Ըստ չաթերում տարածված հաղորդագրությունների և բնակիչների, եկվորները հաճախ չարաշահում են ալկոհոլը, աղմկում և ծեծկռտուքներ սարքում։
«Դպրոցը կբացվի արդեն երկու շաբաթից, և ամբողջ բնակելի համալիրի երեխաները սովորելու են հենց այնտեղ։ Բնակիչների նախաձեռնող խումբն արդեն դիմում է հղել Ռյազանսկի շրջանի ղեկավարին և սպասում է խնդրի լուծմանը։
Դեպքն ընդգծում է մայրաքաղաքի մեկուսացված շրջաններում միգրանտների կենտրոնացման համակարգային խնդիրը։ Բուտովոյի, Կոտելնիկիի և երկրի այլ շրջանների ու քաղաքների խնդիրները դրա վառ օրինակն են։
Անհրաժեշտ է վերահսկողություն իրականացնել ժամանող աշխատանքային միգրանտների նկատմամբ, հակառակ դեպքում նրանց հարաբերությունների պարզումը, այդ թվում՝ միմյանց միջև, ավելի ու ավելի հաճախ տեղի կունենա ռուսաստանյան փողոցներում», — կարծում է ռեսուրսը։